Web Analytics Made Easy -
StatCounter

أجدد الوصفات العالمية

الكنافه النابلسيه


الكاتب: poha pohaa (طباخ جديد) القسم: الحلويات بتاريخ: 13/1/2018 عدد المشاهدات: 59


عن الوصفة:


الكنافه النابلسيه طبعا اصلها مدينه نابلس فى فلسطين اللهم فرج عن فلسطين واهلها والمفروض كمان تتعمل بالجبنه النابلسيه بس هى مش متوفره فبنعملها بالحلوم او بالعكاوى وممكن بالموزاريللا

المقادير:


مكونات الكنافه النابلسيه نصف كيلو كنافه 2 ونصف كوب جبنه عكاوى مبشوره كوب سمنة سايحة نصف كوب سيرب(السيرب هو الشربات او القطر) ملعقه صغيره لون طعام برتقالى بودره 2 ملعقه كبيره مياه والمكونات للسيرب كوب ونصف سكر وكوب مياه وعصير نصف ليمونه وللتزيين فستق مطحون

طريقة التحضير:


1

اول حاجه هننقع الجبنه العكاوى في مياه سخنه عشان الملح اللى فيها يروح لمده متقلش عن 6 ساعات وهنضيف لون الطعام للمعلقتين الكبار مياه ندوبهم فيهم وطبعا لون الطعام اساسى لان النابلسيه لونها برتقالى وبيتباع عند اى عطار وفى محلات خامات الحلويات وهنضيفهم للسمنه السايحه وطبعا احنا لو ضفنا اللون على طول للسمنه مش هتتلون عشان كده دوبناه الاول في ميه هنضيف السمنه للكنافه وهنقلبهم في بعض لغايه ماتتلون كل الكنافه بلون السمنه هنساوي الكنافه بايدينا في صينيه مدهونه مقاس 26 وممكن اصغر او اكبر وهنبشر الجبنه العكاوي بعد ماشلنا الملح اللى فيها وهنحطها على الكنافه بس نبعدها عن الاطراف عشان متتحرقش واحنا مش هنحط طبقه كنافه تانيه انا شفتهم فى قناه فلسطينيه بيعملوها كده وكمان بيساووها على البوتاجاز من فوق لغايه ماتسيح الجبنه بس انا دخلتها الفرن لمده ربع ساعه وطلعتها قلبتها على طبق التقديم وحطيت عليها السيرب والسيرب فى النابلسية بحبه يكون قليل عشان نحس بطعم الجبنه مع الكنافة لو عايزين تزودوه حسب رغبتكم

شارك الوصفة:


شارك على فيسبوك شارك على تويتر شارك على جوجل+ شارك على بنترست شارك على واتساب

مواضيع مشابهة


أضف تعليق


التعليقات


لا توجد أي تعليقات على هذه الوصفة